ឯកឧត្តម ឡាយ សំកុល អគ្គលេខាធិការព្រឹទ្ធសភា អញ្ជើញដឹកនាំកិច្ចប្រជុំផ្ទៃក្នុងអគ្គលេខាធិការដ្ឋាន
នារសៀលថ្ងៃពុធ ១៥រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៨ ខែមីនា ឆ្នាំ២០២៦ វេលាម៉ោង ១៥:០០នាទី ឯកឧត្តម ឡាយ សំកុល អគ្គលេខាធិការព្រឹទ្ធសភា បានអញ្ជើញដឹកនាំកិច្ចប្រជុំចង្អៀត ដោយមានការអញ្ជើញចូលរួមពីឯកឧត្តមអគ្គលេខាធិការរងព្រឹទ្ធសភា ឯកឧត្តម និងលោកជំទាវអគ្គនាយក អគ្គនាយិកានៃអគ្គនាយកដ្ឋាន លើរបៀបវារៈសំខាន់ៗចំនួន ៣ រួមមាន (១) ការពិនិត្យលើបច្ចុប្បន្នភាពគេហទំព័រព្រឹទ្ធសភា ក្នុងទម្រង់រូបរាងថ្មី និងការរៀបចំមាតិកាបន្ថែម ឱ្យស្របទៅតាមបរិបទ និងការវិវត្តថ្មីៗនៃព្រឹទ្ធសភានីតិកាលទី៥ (២)ការរៀបចំសម្របសម្រួលការអញ្ជើញចុះបំពេញមុខងារតំណាងរបស់ថ្នាក់ដឹកនាំព្រឹទ្ធសភា និង(៣)ការរៀបចំកម្មវិធីសិក្ខាសាលា និងកិច្ចប្រជុំគណៈកម្មការនយោបាយ APF នៅខេត្តសៀមរាប ព្រមទាំងការត្រៀមលក្ខណៈធ្វើជាម្ចាស់ផ្ទះកិច្ចប្រជុំប្រចាំឆ្នាំនៃសន្និសីទប្រធានសភានៃអន្តរសភា(ISC) នៅកម្ពុជា នាពេលខាងមុខ។
កិច្ចប្រជុំនេះប្រព្រឹត្តទៅនៅបន្ទប់ប្រជុំរបស់ឯកឧត្តមអគ្គលេខាធិការព្រឹទ្ធសភា វិមានសាមគ្គីភាព…។
ខ្លឹមសារ៖ ខុទ្ទកាល័យឯកឧត្តមអគ្គលេខាធិការព្រឹទ្ធសភា
រូបភាព៖ នាយកដ្ឋានព័ត៌មាន
